ڤیدیۆییه‌کی شیکاری واین ڕوونی بۆ یاریزانانی ئه‌یسی میلان نمایشکرا

 

له‌لایه‌ن یانه‌که‌وه‌ گشت یاریزانانی یانه‌ی ئه‌یسی میلان بانگهێشتکران بۆ بینینی ڤیدیۆییه‌کی  شیکاری  چه‌ند یاریه‌که‌ی ئه‌ستێره‌ی یانه‌ی مانچسته‌ر یونایتد واین ڕوونی  به‌مه‌به‌ستی کۆنترۆل کردنی  ئه‌و یاریزانه‌  ،  دوای نمایشکردنه‌که‌ش  هیوای یه‌که‌می ڕۆسۆنێری ڕۆناڵدینهۆ له‌ لێدوانێکدا متمانه‌ی خۆی به‌ یانه‌که‌ی نیشاندا که‌ به‌توانن ئه‌و یاریزانه‌ مه‌ترسیداره‌ ڕابگرن به‌ تایبه‌ت که‌ له‌ یاری چووندا هۆکاری یه‌که‌می سه‌رکه‌وتنی شه‌یتانه‌ سووره‌کان بوو به‌سه‌ر میلان له‌ یاریگای سان سیرۆ .. ڕۆناڵدینهۆ وتی :  ڕوونی  سه‌رسوڕهێنه‌ر بوو له‌ یاری یه‌که‌م ، ئێمه‌ سه‌یری ڤیدیۆیه‌کی یاریه‌کانیمان کرد و کلیلی سه‌رکه‌وتنی  نه‌هێشتنی گه‌یشتنی تۆپ ده‌بێت به‌ ڕوون و نه‌گه‌یشتنی بۆ ناوچه‌ی سزا ، ئه‌گه‌ر توانیمان ئه‌و ڕابگرین ئه‌وا ده‌توانین یونایتد ببه‌زێنین  پێم وایه‌ یاریه‌کی هێرشبه‌ری ده‌بێت و گۆڵی زۆر تیا تۆمارده‌کرێت